لمحبي الحنه ... وصفه للشعر .

[نور الأزقة]

مراحب بنوتات بوابة مسقط

اخباركن

علومكن ان شاء الله تمام

وكيف الحنه معكن تحبينها ف شعركن ولا ؟؟ عن نفسي مدمنه .


عموما هاي وصفه لمحبي الحنه شفتها ف منتدنا سعودي ومن ساعتها ونا حاطتها ف بالي انزلها كموضوع


بس قلت اجربها قبل وبالفعل لها نتيجه كثير حلوه صرت مداومه عليها تقريبا ف حاله اذا بسوي حنه ف شعري


وهاي هي للي حابه تجربها





(((( الوصفه كالتالي )))) ... خطوه خطوه



** حنه ع حسب كمية شعرك خلطيها بماي عادي لين ماتكون مثل الكريمه


** بعدين جيبي مقدار .... فنجانين من السمسم


**حمصي السمسم ع نار هاديه لين مايكون لونه ذهب و خلي السمسم يبرد شوي ... تمام


**تالي طحني السمسم ف الخلاط لين مايكون دقيق ناعم



**جيبي مقدار الحنه يلي انتي مجهزتها وخلطي فيها السمسم المطحون


**خليها ساعه تتخمر


تالي عادي حطيها ع شعرك لمده اربع او خمس ساعات ع حسب قدرتك

.. ( العاده الحنه يبالها 6 ساعات ) وسلامتكن هاي هيه

كثير كثير حلوه جربينها وشوفن بنفسكن وان شاء الله تعجبكن





ملاحظه ... .......... ممكن تحطي ماي الكركديه بدل الماي العادي


( أكياس كركديه مثل اكياس شاي ليبتون ) اغليهن واستخدمي الماي ماله




والسلام عليكم ......

[الجازية]

ذكرتيني صاري زمان مب مسوية حنه في شعري بس

بسوي هذي الخلطة*_^

يسلمو نور على مجهودج الرائع

[نور الأزقة]

اهم شي السمسم ترا يكون مطحون حيل لجل يدخل ف الحنه ويتجانس معها زين

الجازي تسلميييييييييين ع المرور

يعطيكي الف عافيه اختي

[عاشقة الذكريات]

مشكورة نوارتنا على الوصفة

حتى انا احب الحنه بس صارلي زمااااااااااااان ما حطيته

ان شاء الله لما احط بستخدم وصفتج

تسلمين

[نور الأزقة]

ان شاء الله تعجبك الوصفه عاشقه الذكريات وهلاااابك نورّتي وعطرتي الموضوع بمرورك لا حرمنا يارب ...

[لهفة الخاطر]

تسلمين اختي ع الوصفه الحلووووووووه



وان شالله بجرب بس انا اخاف من الحنى لانهم يقولون انه يجفف الشعر

[نور الأزقة]

مرحبابك لهفه


هو بعدين يعتمد ع حسب نوعية الشعر

بس معلومه ... السمسم ترا فيه نسبه من الدهن رح تلاحظيها ف شعرك خاصه لو حممتيه بدون شامبو

في حد كذا يخلي الشامبو لليوم الثاني عسب مفعول الحنه يضبط


رح تلاحظي ان شعرك دهني اكثر من انه يكون جاف وهاي بفضل السمسم المطحون يلي ف الوصفه

وان حممتيه بشامبو ف نفس اليوم ايضا نفس الشي ولو بنسبه بسيطه بس اكثر من انه يكون جاف !



نورتي بطلتك ع الموضوع لا عدمناها اختي